العاشق الولهان



 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 اضحك من قلبك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nour
عشوق متميز
عشوق متميز
avatar

عدد المساهمات : 66
نقاط : 3149
السٌّمعَة : 5
تاريخ التسجيل : 24/06/2009

مُساهمةموضوع: اضحك من قلبك   الجمعة يوليو 03, 2009 2:09 pm

واحد مسطول قال لصاحبه هو عود الكبريت ده مبيولعش ليه
رد صاحبه قاله غريبه مع اني لسه مولعه من شويه

* * *

واحد مسطول سألوه ازاي تصطاد الأرنب
قالهم أقعد تحت شجره وأقلد صوت الجزر

* * *

واحد قصير أهله محرمينه يدخن في البيت
خايفين يحرق الفرشه

* * *

واحد بيقول لصاحبه أسكت مش أنا أشتغلت
قاله مبروك ... فين
قاله في مطبعه أقعد على الورق علشان ميطرش

* * *

بخيل راح يزور زوجته في المستشفى .. لقى ع الباب كلمة أدفع
قال أزورها لما ترجع البيت

* * *

مسطول كل ما يشوف البرق يفرح
ليه ... ؟
بيحسب حد بيصوره

* * *

وقفت نمله على كأس عصير الفراوله
وقالت أخيرا شوفت البحر الأحمر

* * *

نمله راحت على سينما عرضو دعايه لمبيد حشري
قالت فيلم أكشن من أولها رعب

* * *

واحد مجنون دبح ولاده وقال عصافير في الجنه ولا حمير في الدنيا

* * *

اتنين مساطيل لعبوا شطرنج
الملك مات مشلوووول

* * *

الأبن لأبوه البخيل :
أنا عاوز اتنين جنيه أروح لحسنين
قال أبوه :
أديك جنيه وتروح لصديقك حسن

* * *

سأل المعلم : كيف يتكون الندى
رد التلميذ : لما الأرض تدور وتتعب ينزل منها العرق

* * *

واحده بتقول لزوجها المسطول
أنت عمرك ما قولتلي كلمه تحسسني اني مراتك
قالها أنتي طالق

* * *

سوداء لبست أحمر لزوجها وقالتله دلعني
قالها يا فحمه يا مولعه

* * *

مسطول جاي ينزل من باب العربيه لقى الدنيا بتمطر
فراح نازل من الباب التاني

* * *

واحد مسطول حب ينتحر من الدور العاشر
رمى نفسه من الدور الخامس مرتين

* * *

واحد غبى اتهموه بالذكاء ...... طلع براءه

* * *

واحده قالت لحبيبها شايف القمر شو بعيد
قالها أيوه
قالتله ريحة شرابك بتوصله

* * *

واحد أهبل أشترى رغيف عيش ولما لقاه سخن وداه للدكتور

* * *

عبيط شاف لوحه على محل نت
مكتوب عليها الساعه بعشره جنيه
دخل المحل وقال هيا ضد الميه ولا لأ

* * *

مسطول بيقول لصاحبه تصدق بالي مشغول
رد و قاله أكيد السماعه مرفوعه

* * *

واحد بيقول لواحده
أنا مش غني ، ولا عندي عربيه ،ولا فيل ولا شركه ولا فلوس مثل صديقي وائل ولكني أحبك
فضمته وقالت ان كنت بتحبني فعرفني على وائل

* * *

أوقف شرطي أمرأه راكبه عربيه وقالها أنتي مش شايفه كلمنة قف
قالتله شوفت ... قف وليس قفي

* * *

واحد ماعندوش إلا ضرسين قدم على وظيفه
عينوه خرامه

* * *

مجنون فتح محل جواهرجي
عمل أول يوم ببلاش

* * *

مسطول بيسأل صاحبه إيه رأيك في تجارة المخدرات
رد عليه وقاله لأ تجارة عين شمس أحسن

* * *

واحد كان يستحم بص في الساعه لقاها واحده
فأستحى

* * *

مجنون قتل أبوه علشان يحلف برحمته

* * *

واحد ماشي ورا جنازة مراته فرحان
سألوه ليه هو فرحان
قالهم لأني أول مره أعرف هيا هتروح على فين

* * *

أتنين ماشيين في الصحراء ، طلع عليهم أسد
واحد منهم رمى عليه طوبه وجري وبص وراه لقى التاني واقف مكانه قاله إيه مبتجريش ليه
فرد وقاله ليه هو أنا اللي ضربته

* * *

غبي حب يزوّر عشرة دولارات
جاب مئه دولار ومسح الصفر

* * *

واحد حط الموبايل ع الشباك
منتظر مكالمه خارجيه

* * *

واحد بخيل بيته انحرق
رن ع المطافي رنه واحده وقفل

* * *

أغبياء أرادوا تفجير مدرسه
وضعوا القنبله في الدور الأول
وأستخبوا في الدور التاني

* * *

واحد مسطول أمه تعبانه راح وجبلها الدكتور ... لقاها ماتت
قالها يا بااااايخه

* * *

أتنين مجانين واحد سأل التاني متى انولدت ... قاله الجمعه
فرد عليه .. يا حلووو أجازه

* * *

مشجع دخل الملعب ومعاه علم أسود
ليييه ... ؟
يشجع الحكم

* * *

مسطول عمل عمليه نجحت
عملها تاني

* * *

صعيدى دق في صدر ابنه مسمار علشان يعلقله بزازه

* * *

محشش ساق عربيه ومعاه أبوه
أبوه قاله لف يمين
رد المحشش وقال لف أنت أنا بسوق

* * *

الأستاذ : ما معنى كلمة سبيل
الطالب : طريق
الأستاذ : ممتاز طب إيه معنى كلمة سلسبيل
الطالب : طرطريق

* * *

مره أتنين حبوا يسرقو بيت
نزل الأول من فوق السور وعمل ضوضاء .. طلع صاحب البيت وقال مين هناك .. قاله ناو ناو ناو...
نزل التاني وعمل ضوضاء .. طلع صاحب البيت وقال مين هناك
قاله القطه التانيه !

* * *

واحد عصبي أتجوز عصبيه ويوم الولاده .. النونو قال للدكتور وسع أنت ابعد أنا هانزل لوحدي

* * *

واحد غبي فتح محل غاز فجر أنبوبتين دعايه للمحل

* * *

واحد غبي طلق مراته رجع البيت قالها إيه أنتي زعلتي

* * *

واحد مسطول فتح التلاجه شاف الجيلي بيهتز
فقال متخفش أنا جاي أخد العصير

* * *

غبى سمع ان الشيطان شاطر فراح يذاكر معاه

* * *

قالت الأم لبنتها لو ضربتي أختك مره تانيه هتنامي من غير عشاء
قالت البنت خلاص أضربها بعد العشاء

* * *

واحد أسمه حافظ رن جرس باب جيرانهم
قالوا مين
قال أنا حافظ
قالوا طيب سمع بقى

* * *

واحد غبى قاعد تحت الشمس مع دوده فسألوه ليه
قال الدكتور نصحني أقعد تحت الشمس دقائق معدوده

* * *

غبى ضاعت محفظته بلغ عنها قالتله الشرطه أحنا حنجيبهالك لو من تحت الأرض
وهو راجع البيت شاف عمال بتفحر قالهم أيوه كده شدوا الهمه المحفظه لونها أحمر

* * *

مسطول حب واحده أتجوز أختها علشان يضمن يشوفها كل يوم

* * *

مجموعة صعايدة ماتوا غرقانين في غواصه وبعد التحقيق في الحادث اكتشفوا أن واحد فيهم سمع خبط بره فتح يشوف مين

* * *

واحد كل يوم يصحى الصبح مدهوش
فصحي في مره لقى نفسه غير مدهوش فأندهش

* * *

واحد ركب تاكسي ركب مراته قدام علشان السواق مش يعاكسها بالمرايه

* * *

مسطول راح سوبر ماركت قال للعامل عندك سكر
قاله أيوه .. فقاله ربنا يشفيك

* * *

غبي وجعه ضرسه فراح للدكتور وقاله أقلع كل أسناني وخليه لوحده زي الكلب

* * *

الأبن : بتعمل إيه يا بابا
الأب : بكتب جواب لعمك
الأبن : هو أنت بتعرف تكتب يا بابا
الأب : يعني عمك هو اللي بيعرف يقرا

* * *

واحد فشار بيقول لصاحبه أنا مره طلعلي أسد رميت عليه كباية ميه فهرب وجري
رد عليه صاحبه وقاله صح أنا طلعلي نفس الأسد وضربته على وشه أيدي اتبلت بالميه

* * *

مسطول بيقول لصاحبه الشمس شرقت
رد عليه قاله أديها شوية ميه


هههههههههههههههههههههههه
الرجوع الى أعلى الصفحة اذهب الى الأسفل
el3ashe2 elwalhan
مدير المنتدى
مدير المنتدى
avatar

عدد المساهمات : 410
نقاط : 3850
السٌّمعَة : 16
تاريخ التسجيل : 13/03/2009
العمر : 28
الموقع : http://3ashe2.7olm.org

مُساهمةموضوع: رد: اضحك من قلبك   السبت يوليو 04, 2009 5:06 am

تسلم ايدك نور على النكت الجامده
ومستنين المزيد منك ياقمر

: مع التحية :

_________________


http://www.shbab1.com/2minutes.htm امحى ذنوبك فى دقيقتين فقط
الرجوع الى أعلى الصفحة اذهب الى الأسفل
http://3ashe2.7olm.org
 
اضحك من قلبك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العاشق الولهان :: قسم الترفيه :: عاشق النكت-
انتقل الى: