كل ما بنقرب

موضوع: كل ما بنقرب الإثنين يونيو 29, 2009 1:28 pm

إهداء لجميع المشاركين بالمنتدى
بهدى اليكم قصيدة كل ما بنقرب

كل ما بنقرب
ليه كل ما بنقرب شيء من بعيد بيفرقنا
ليه كل ما بنفرح شيء عجيب بيزعلنا
..............
يا حبيبي امتى نتلاقى والخوف يتلاشى من صدورنا
بخاف اضحك بخاف أفرح بخاف أغنى والعب
لييجى الفراق يموتنا
أو تيجي الدموع تحرق عيونا
.........
يا حبيب الروح لفين هتروح متخليش القسوة تجرحنا
يا نن العين متخليش البسمة تطير من أفراحنا
و العشق يكون غريب في أحضانا
خليك مسامح وبلاش تكون جارح
أحسن نموت بحسرتنا
...............
طال البعاد طال العذاب لامتى نعود لأيامنا
وامتى نبطل بكى على أطلالنا
وامتى تعود الضحكة لقلوبنا
.........
يا حبيبي مفيش حاجة ليها طعم في الدنيا
أزاى أعيش .. مقدرش أعيش والضعف مالى أبدانا
والحزن سيطر على أرواحنا
.........
لو بتضحك ميهمنيش أتحمل أنا أوجاعنا
لو فرحان ميهزنيش زلزال يدمر مشاعرنا ، بركان يكسّر برائتنا
............
حبيبى مالك .. عاوز تبعد .. لأ متقولش
دا انا قلبى بينبض من قلبك
دا أنا حضنى عايش جوة حضنك
وشفايفى بترويها شفايفك
دا انا روحى غريبة فى بعدك
وعيونى بتسألنى عنك ...
مش شايفاك يا حبيبى فى هجرك
.........
ولما أسألك ايه غيرك تقولى بأعلى صوت ..
(ما اتغيرتش )
طيب ليه ما فكرتش
في حال حبيبتك دابت م البعد وما سألتش
........
ليه بتقسى طول ما أنا بنسى يا حبيبي وبسامح
أنت كمان حن ورق وبلاش تكون سارح

دي حبيبتك مستنياك مشتاقة لحضنك
لصوتك لهمسك .. لكل كلام أمبارح

مستنيه تغنى لها ... تحكى لها
تطل عليها وتخطفها عالفرس الجامح

تأخدها بشوق ولهفة
ويكون حبك ليها في كل المطارح
..............
تعبت من كتر ما بناديك
وأنت يا عمري مش سامع

دا أنا زمان كنت بهمس باسمك
ألاقيك جاي من آخر الشارع

كنت معاك أم وحبيبه وطفلة وقريبة
وكنا عايشين من غير مواجع

أنت فين يا حبيبي دورت عليك في الأبراج
لقيتك زى النجم الساطع

سامحني يا حبيبي لو زعلتك
خلي قلبك ليا شافع

أنت فين يا حبيبي مش لاقياك
دا أنت يا روحي بايع .. بايع

رد عليا يا حبيبي .. بلاش صمتك وسكوتك
متخليش قلبي والع

اتمنى تقولوا آرائكم بصراحة
with my wishes
thanks

تسلمى نور على القصيده
جامده جدا تسلم ايدك
تقبلى مروري
: مع التحية :

تسلمي نور
كلك زوء يا عسولة
شكرا لأهدائك
كتير نايس
تحياتي